يلا يا حلوين فكروا وورونى ردودكم
1- الكهربا لما بتقطع بتروح فين ؟؟
2- لو فى شكرة وقعت على الارض فى الغابة هل بقيت الشجر هيضحكوا عليها ؟؟
3- ليه حاطين يافطة عند المعدية مكتوب فيها ابتسم انت فى بورفؤاد ,, هى بورفؤاد حاجة تضحك ؟؟
4- ليه لما تطلب ساندوتش وتضيف عليه اى اضافات سعره بيزيد ولو شيلت منه اى حاجة سعره ما بيقلش ؟؟
5- ليه بيقولوا ان الحب اعمى ومع ذلك كل اغانى الحب عن العيون ؟؟
6- لو اسمك ماجد وطلعت طيار ,, هتقدر تستحمل الناس وهى بتتريأ عليك بما انك بقيت كابتن ماجد ؟؟
7- الاخرس بيكلم نفسه ازاى ؟؟
8- ليه البنات بتفتح بؤها وهى بتحط المسكرة ؟؟
9- ليه الناس بتقول لاى حد فى الشارع يا بشمهندس الا المهندس فعلا بيقولوله يا دكتور ؟؟
10- ليه كل ما تتصل بحد وتضرب رقم غلط لازم ميكونش مشغول ؟؟
11- لو كانت الارض كرة - زى ما بيقولوا - طب الماتش هيبدأ امتى ؟؟
12- لو الواحد على صوت الكاسيت هل ده بيسحب كهربا اكتر ؟؟
13- لو البوليس وهو رايح يقبض على حد شاف جريمة بيمنعها ولا بيركز فى الهدف اللى رايحله وبس ؟؟
14- هى الحيوانات بتعطس ؟؟
15- هل حصل فعلا فى يوم من الايام ان واحد ضرب عصفورين بجد بحجر واحد ؟؟
16- ليه لما بنستخدم اى اداة نداء فى الشارع زى يا كابتن وخد يا وايوة يا وباقولك بنلاقى الشخص اللى عاوزينه عرف نفسه ووقف ؟؟
17- بيقولوا ( لكل قاعدة استثناء ) طب ايه الاستثناء بتاع القاعدة دى ؟؟
18- ليه لما حد يجى يقول حاجة يبدأ الجملة بكلمة بيقولك ؟؟
19- اللى ميقدرش يشوف اعمى واللى ميقدرش يتكلم اخرس طيب واللى ميقدرش يشم يبقى ايه ؟؟
20- ليه اللى يسأل عن الساعة لازم يحلفك ويقولك الساعة كام والنبى ؟؟
21- ليه الكتابة اللى على التى شيرت لازم تكون انجليزى ليه متبقاش عربى زى اللى زاكر زاكر خلاص مثلا ؟؟
22- لو ركب الانسان كانت ورا مش قدام كان شكل الكراسى هيبقى ازاى ؟؟
23- التوأم الملتصق لما يدخلوا السيما بيقطعوا تذكرة واحدة ولا اتنين ؟؟
24- لما البوليس يهجم على شقة ويكسر الباب مين المسؤل عن تصليحه ؟؟
25- لو واحد مات ورجله متجبسه بيدفنوه بالجبس ولا بيشيلوه ؟؟
26- لو شوفت منظر مؤثر وانت تحت المية تقدر تعيط ؟؟
27- الاعمى بيشوف ايه فى الاحلام ؟؟
28- ليه بيقولوا هدية مجانية ,, هو فى هدية بفلوس ؟؟
29- ليه بنقول ( باى باى ) ومش بنقول ( هاى هاى ) ؟؟
30- مين فيهم الاول ,, البرتقال ولا اللون البرتقالى ؟؟
موضوع: 30 سؤال اتحداكم لو عرفتو تجاوبو ولا واحد 
الإثنين يوليو 06, 2009 3:13 pm
